منتدي شباب بني حميل الحر موضوع للمناقشه هام

السلام عليكم ورحمه الله وبركاته

موضوعنا اليوم موضوع هام جدا جدا

الا وهو فساد وجشع اصحاب الافران البلدي بالقريه

اخواني لقد قامت الدوله بدعم حصص الدقيق البلدي المخصص للافران البلدي ليكون متوفرا للجميع وبسعر كويس لاكن للاسف استغل اصحاب النفوس الضعيفه من اصحاب هذه الافران هذا الدعم من قبل الدوله ليقومو ببيع الدقيق بالسوق السوداء باسعار مرتفعه جدا نقدر نقول ربح 1000 % 100

لهذا السبب تجد طوابير كبيره جدا امام هذه الافران لان الباشا صاحب الفرن مخصص له 10 اشوله من الدقيق يقوم بخبز 2 والباقي يتم بيعه بالسوق السوداء عيانا بيانا

والتموين بالبلده نايم بالعسل نوم

او بالمعني الاصح بيروح له نسبته بالبيت

وللاسف المصيبه علي راس الغلبان

يعني ايه جزاء اللي يسرق قوت الشعب انتو جاوبو

ده ابسط حق من حقوق الغلابي انهم يلاقو رغيف العيش لاكن للاسف حتي رغيف العيش بينسرق منهم ايه الحل

والله لو كل صاحب فرن يراعي ربنا والله كنت تلاقي العيش متوفر جدا جدا وبدون طوابير او ذل او بهدله

انا عايز واحد عنده ضمير من قيادات التموين تقوم بحملات علي هذه الافران بس تكون سريه بدون علم الادارات بالمراكز لان اصحاب الافران ليهم عيون من اصحاب النفوس الضعيفه بهذه الادارات يقومو بتبليغهم في حالات التفتيش المفاجئه ليكي ياخدو حذرهم
نفسي حد من المسؤلين بالتموين يعمل كدا ويشوف بعينه اللي بيحصل

والله بيحصل بلاوي ويا خساره ان الموظفين بالتموين هما اللي بيتسترو علي كدا وا اسفاه

منتدي شباب بني حميل الحر